Տօն Համբարձման Տեառն Մերոյ Յիսուսի Քրիստոսի

Օրհնութիւն ԴՁ (Դարձուածք)

Համբարձաւ Տէրըն մեր յերկինս, ասելով աշակերտացն, նըստարուք ի քաղաքիդ Երուսաղէմ, մինչեւ զգենուցուք զօրութիւն ի բարձանց։

Միաբանեալ սուրբ Առաքեալքըն միախորհ եւ միակրօն, միաբան նըստէին ի սուրբ վերնատունն, եւ ակն ունէին գալըստեան Սուրբ Հոգւոյն։

Յանկարծակի եհաս ի նմանութիւն լուսոյ փայլման. եւ եկեալ բնակեցաւ ի սուրբ Առաքեալսն, մինչդեռ նըստէին ի սուրբ վերնատանն։

Համբարձաւ Տէրըն մեր Քրիստոս օրհնութեամբ ընդ ամպս երկնից, եւ Առաքելոցն երկըրպագեալ դարձան յԵրուսաղէմ. միաբանութեամբ վերառաքէին զաղօթս։

Փառք Հօր եւ Որդւոյ եւ Հոգւոյն Սըրբոյ։

Մըտեալ ի յերկինըս բիւրաւոր զօրօք բազմութեամբ հրեշտակաց. որք աղաղակէին եւ ասէին, օրհնեալ եկեալ ի յանունըն Տեառն։

Այժմ եւ միշտ եւ յաւիտեանս յաւիտենից։ Ամէն։

Նըստեալ ընդ աջմէ ծընողին, կատարելով ըզխոստացեալ պարգեւս. մըխիթարիչ Սուրբ Հոգին գայ առ ձեզ, աղբերացուցանել զմեծ զողորմութիւն։
ցուցանել զմեծ զողորմութիւն։