Յինանց 33րդ Օր
Համբարձի ԱՁ

Սոսկալի տեսիլ հրեշտակին ի փառաւոր քո գերեզմանին, ըզպահապանսըն զարհուրեցոյց։

Իմանալին մարմնական ձայնիւ բարբառէր առ սուրբ կանայսն. փառատեցոյց ըզսուգ եւ զտըրտմութիւն։

Ով կանայք ըզգաստք Աստուածասէրք զամենեցուն զյոյսն եւ զյարութիւն ընդ մեռեալըս զի՞ խընդրէք։

Փայլակնաձեւ հրեշտակն իջեալ յերկնից զարհուրեցոյց ըզպահապանսն. եւ սուրբ զկանայսըն խընդութեամբ լըցոյց։

Փառք Հօր եւ Որդւոյ եւ Հոգւոյն Սըրբոյ։

Աստուածասէր կանայք, ցընծացէք այսօր յարեաւ Քրիստոս ի մեռելոց եւ լոյս մեծ աշխարհի ծագեաց։

Այժմ եւ միշտ եւ յաւիտեանս յաւիտենից. ամէն։

Աւետիս լըւեալ ի սուրբ հրեշտակէն ընթանային առ աշակերտսն, պատմելով նոցա զյարութիւնըն Տեառն։